- EIZIEk jarri du abian blog hau, astean hirutan (astelehenetan, asteazkenetan eta ostiraletan) euskararen erabilerari buruzko testu bat argitaratzeko, xede gutxi-asko didaktikoz idatzia.
- 31 lagunek idatziko dute, txandaka.
- Talde-blog bat izango da; zabala, irekia eta lankidetzazkoa. Hauek hartzen ditugu xede eta ezaugarri nagusitzat: ekarpenak egitea, gogoeta eta proposamenei zabalkundea ematea eta elkarrizketa sortzea.
- Blogari bakoitzak askatasun osoa du nahi duen alderditik jotzeko: gogoeta labur bat egin, akats edo joeraren bat kritikatu, zerbait agerrarazi eta laudatu, erabileremu batean edo bestean arazotsu gertatzen diren hitz, esapide edo esaldi-moduak aipatu, ahozko hizkerako edo literaturako adibide edo baliabideren bat gogora ekarri…
- Alor askotako kideak biltzen ahalegindu gara: irakaskuntzakoak, komunikabideetakoak, itzultzaileak, idazleak, ikertzaileak, hiztegigileak…
- Euskarazko testugintzarekin zerikusia duen edonork nolabaiteko maiztasunaz irakurriko duen atal bat izatea nahi genuke, erreferentzia bat.
- Blogeko lanak ez dira ordaintzen: ez ekarpenak, ez edizio-lanak.
- Erantzunetan, ezinbestekoa da posta-helbide egiazko bat ematea.
- Blog honen arduradunak ez datoz bat, nahitaez, kolaboratzaile bakoitzak bere lanetan azaltzen dituen iritziekin.
Bloga Senez aldizkarian
EIZIEk argitaratzen duen Senez aldizkarian, “31 eskutik bloga: urtebete auzolanean” artikulua argitaratu genuen 2013ko urriko zenbakian.
Lege-oharra
Webgune honetako edukiak “Creative Commons-en Aitortu-PartekatuBerdin 4.0 Nazioartekoa” baimenaz babesturik daude, non eta ez den besterik adierazten.
Baimen horrek askatasunea ematen dio erabiltzaileari webgunearen edukiak (testuak, irudiak eta dokumentuak) kopiatu, banatu eta jendaurrean hedatzeko, eta eduki horietatik abiatuta lan edo eduki eratorriak egiteko.
Bete beharreko baldintza hauekin: Alde batetik, edukien jatorria aitortzea, kopiatutako edo eratorritako lanaren oinean hauxe adierazita: “Iturria: 31eskutik.eus”, eta, bestetik, eratorritako lanak lizentzia berdinarekin partekatzea.
Harremanetarako helbidea
31 eskutik 