31 eskutik
Eusko Jaurlaritzako Hizkuntza Politikarako Sailburuordetzak eratutako Terminologia Batzordeak gaikako hamar hiztegi berri plazaratu ditu 2012an, eta, horrenbestez, hogeita hamabi ditu eskura jarriak webgunean. Gaikako hiztegi horietako informazioa jasoa dago Euskalterm terminologia-bankuan, eta, beraz, agertuko da han egindako kontsultetan, baina gai bakoitzaren ingurukoa osorik ikusteak ere badu interesa.
Hona hemen 2012an plazaratu diren hiztegien zerrenda:
- Makina-erremintaren Hiztegia. Zenbait adibide: hariztatzeko makina, hotzeko ijezketa (hotzean ijezte)…
- Automobilen Mantentzearen Hiztegia. Zenbait adibide: noranahiko ibilgailu (lur orotako ibilgailu), banaketa-uhal, iraulietarako barra…
- Eskubaloia Hiztegia. Zenbait adibide: trukatuzko eraso (zirkulazio-eraso), zonakako defentsa (zona-defentsa)…
- Gorputz Hezkuntzaren Hiztegia. Zenbait adibide: ahoz beherako etzanera (ahuspezko etzanera), gainluzatze, berotze-ariketa…
- Hauteskundeen Hiztegia. Zenbait adibide: adin-mahai, gehiengo oso, gehiengo soil…
- Laneko Segurtasunaren Hiztegia. Zenbait adibide: laneko gaixotasun (gaixotasun profesional), arrisku-zenbatespen…
- Negoziazio Kolektiboaren Hiztegia. Zenbait adibide: ordezkagarritasun nagusiko sindikatu, lan-gatazkak auzibidetik kanpo ebazteko akordio…
- Burdindegia Hiztegia. Zenbait adibide: kurrikak, torloju burubiribil, ukipen-kola…
- Metalurgia Hiztegia. Zenbait adibide: aleazio handiko altzairu, xaflakortasun…
Terminoak sailka antolaturik datoz hiztegi bakoitzean, beren definizioarekin eta espainolezko, frantsesezko eta ingelesezko ordainekin.